سندھ حکومت نے سکھر آئی بی اے یونیورسٹی کے وائس چانسلر پروفیسر ڈاکٹر آصف احمد شیخ کی مدتِ ملازمت میں مزید چار سال کی توسیع کی منظوری دے دی ہے۔
اس فیصلے کے بعد ڈاکٹر آصف احمد شیخ آئندہ چار سال تک سکھر آئی بی اے یونیورسٹی کے وائس چانسلر کی حیثیت سے اپنی ذمہ داریاں انجام دیتے رہیں گے۔
سکھر آئی بی اے یونیورسٹی کی برادری نے ڈاکٹر آصف احمد شیخ کو مدتِ ملازمت میں توسیع پر دلی مبارک باد پیش کرتے ہوئے امید ظاہر کی ہے کہ ان کی قیادت میں یونیورسٹی تعلیمی معیار کی بہتری، ادارہ جاتی ترقی اور جدت کے فروغ کے لیے مزید کامیابیاں حاصل کرے گی۔
یونیورسٹی برادری نے اس توقع کا اظہار بھی کیا کہ ڈاکٹر آصف احمد شیخ کی قیادت میں سکھر آئی بی اے یونیورسٹی قومی اور بین الاقوامی سطح پر مزید شناخت اور کامیابیاں حاصل کرے گی۔
