امریکی منٹ کا خصوصی سکہ آن لائن فروخت کے لیے پیش ہوتے ہی اسٹاک ختم؛ 25 سکوں کی رول 61 ڈالر جبکہ 100 سکوں کی قیمت 154.50 ڈالر مقرر
واشنگٹن: امریکی ٹکسال (US Mint) نے امریکا کی 250ویں سالگرہ کے موقع پر صدر ڈونلڈ ٹرمپ کی تصویر والا خصوصی ایک ڈالر کا سکہ جاری کردیا۔
سکے پر صدر ٹرمپ کی تصویر کے ساتھ "LIBERTY" اور "IN GOD WE TRUST" کے الفاظ درج ہیں۔ یہ سکہ قانونی طور پر قابلِ استعمال ہے، تاہم اسے عام گردش میں شامل نہیں کیا جائے گا۔
خصوصی سکے کی 25 سکوں پر مشتمل رول کی قیمت 61 ڈالر جبکہ 100 سکوں کے پیک کی قیمت 154.50 ڈالر مقرر کی گئی ہے۔ آن لائن فروخت شروع ہونے کے بعد سکے تیزی سے اسٹاک سے باہر ہوگئے۔
اگرچہ سکے کی ظاہری شکل سنہری ہے، تاہم اس میں سونا شامل نہیں اور یہ بنیادی طور پر تانبے سے تیار کیا گیا ہے۔
امریکا میں عام طور پر زندہ صدور کی تصاویر کرنسی پر استعمال کرنے پر پابندیاں عائد ہیں، تاہم 250ویں سالگرہ سے متعلق قانون سازی کے تحت اس خصوصی سکے پر ٹرمپ کی تصویر شامل کرنے کی اجازت دی گئی۔
نوٹ: یہ معلومات دستیاب رپورٹس کی بنیاد پر صرف معلوماتی مقصد کے لیے پیش کی گئی ہیں۔
