کراچی: جوڈیشل مجسٹریٹ شرقی نے میر رضا کیس میں مقتول کی قبر کشائی کی درخواست منظور کرتے ہوئے سیکرٹری ہیلتھ کو فوری طور پر میڈیکل بورڈ تشکیل دینے اور عدالتی حکم پر جلد از جلد عملدرآمد کرنے کی ہدایت جاری کر دی۔
عدالت نے اپنے حکم میں کہا کہ میڈیکل بورڈ کی نگرانی میں مقتول کی قبر کشائی کی جائے تاکہ ضروری طبی معائنہ اور شواہد اکٹھے کیے جا سکیں۔ عدالت نے متعلقہ حکام کو ہدایت کی کہ کارروائی میں غیر ضروری تاخیر نہ کی جائے اور قانونی تقاضوں کے مطابق جلد از جلد عمل مکمل کیا جائے۔
عدالتی حکم کے مطابق قبر کشائی کے بعد میڈیکل بورڈ اپنی رپورٹ مرتب کرے گا، جس کی بنیاد پر کیس کی مزید تفتیش اور قانونی کارروائی آگے بڑھائی جائے گی۔
