اسلام آباد: فیڈرل بورڈ آف انٹرمیڈیٹ اینڈ سیکنڈری ایجوکیشن (FBISE) نے سال 2026 کے میٹرک (دسویں جماعت) کے سالانہ امتحانات کے نتائج کا باضابطہ اعلان کر دیا ہے، جس کے بعد ملک بھر اور بیرونِ ملک موجود ہزاروں طلبہ کا انتظار ختم ہوگیا۔ بورڈ نے یہ بھی بتایا ہے کہ نویں جماعت کے نتائج کا اعلان جلد کیا جائے گا۔
اسلام آباد، پنجاب، سندھ، خیبرپختونخوا، بلوچستان اور بیرونِ ملک سے فیڈرل بورڈ کے تحت امتحانات دینے والے طلبہ اب اپنے نتائج بورڈ کی سرکاری ویب سائٹ یا ایس ایم ایس سروس کے ذریعے حاصل کر سکتے ہیں۔
پوزیشن ہولڈرز
اعلان کردہ نتائج کے مطابق PAEC ماڈل کالج فار بوائز، چشمہ، ضلع میانوالی کے علی مرتضیٰ نے 1,092 نمبر حاصل کرکے پہلی پوزیشن اپنے نام کی۔
دوسری پوزیشن مشترکہ طور پر تین طالبات نے 1,089 نمبر حاصل کرکے حاصل کی:
سویرا شمشیر (اسلام آباد ماڈل کالج فار گرلز، F-8/4) خدیجہ محبوب (فوجی فاؤنڈیشن کالج فار گرلز، نیو لالہ زار، راولپنڈی کینٹ) ماہ نور فاطمہ (صدیق پبلک اسکول اینڈ کالج، سیٹلائٹ ٹاؤن، راولپنڈی)
تیسری پوزیشن مشترکہ طور پر دو طالبات نے 1,087 نمبر کے ساتھ حاصل کی:
منتہا فخر (سرسید ہائی اسکول، کیمپس-IV، گدوال، واہ کینٹ) ماہین افضل (آرمی پبلک اسکول اینڈ کالج (FWO)، کوبی لائنز، راولپنڈی) رزلٹ کیسے چیک کریں؟
طلبہ اپنے نتائج درج ذیل دو طریقوں سے معلوم کر سکتے ہیں:
آن لائن:
فیڈرل بورڈ کی سرکاری ویب سائٹ پر جائیں۔ SSC Result 2026 سیکشن کھولیں۔ اپنا رول نمبر درج کرکے نتیجہ حاصل کریں۔ مستقبل کے لیے رزلٹ کارڈ ڈاؤن لوڈ یا پرنٹ کر لیں۔
ایس ایم ایس کے ذریعے:
موبائل فون پر FB [رول نمبر] ٹائپ کریں۔ اسے 5050 پر بھیج دیں۔ چند لمحوں میں نتیجہ ایس ایم ایس کے ذریعے موصول ہو جائے گا۔
فیڈرل بورڈ نے طلبہ کو ہدایت کی ہے کہ وہ نتائج معلوم کرنے کے لیے صرف سرکاری ذرائع استعمال کریں، جبکہ نویں جماعت کے نتائج کے اعلان کی تاریخ بھی جلد جاری کیے جانے کا امکان ہے۔
